20 வா முருகா வா

வா! முருகா வா! - எ ன்
மகள் வயிற்றில் வா!

குழந்தை யாக வா! - எங்கள்
குறைகள் தீர வா!
அழக னாக வா! - எங்கள்
ஆசை தீர வா!

வீடு நிறைய வா! - மகிழ்ச்சி
வெள்ளம் பரவ வா!
ஆடிப் பாட வா! - எங்கள்
அதிசயமே வா!

மழலை பேசி வா! - எங்கள்
மடியில் ஏற வா!
ஒழுகும் எச்சி லால் - எங்கள்
உள்ளம் கழுவ வா!

கழுத்தைக் கட்டிக் கொள்! - என்
கர்மம் தொலையு மே!
நெஞ்சில் மிதித்து நில்! - என்
நீசம் மறையு மே!

முகத்தில் சிறு நீர் - பெய்!
மோட்சம் கிடைக்கு மே!
மடியில் சந்த னம் - அரை!
மனது குளிரு மே!

கண்ணை நோண்டிப் பார்! - என்
கவிதை விரியு மே!
வாயைக் கிண்டிப் பார்! - என்
வார்த்தை பலிக்கு மே!

ஓட்டுப் புல்லைப் போல் - மார்பில்
ஒட்டிக் கொள்ள டா!
கட்டித் தங்க மே! - என்
கடவுள் நீய டா!

தோளில் தூங்க வா! - என்
தொடையில் ஏற வா!
கேள்வி கேட்க வா! - என்னைக்
கேலி செய்ய வா!

மீசை திருக்க வா! - என்
மேனி நக்க வா!
காசை எடுக்க வா! -ஊஞ்சல்
காலில் ஆட வா!

ஆனை ஏற வா! - என்னை
ஆட்டிப் படைக்க வா!
கூனல் நிமிர்த்த வா! - நானும்
குழந்தை யாக வா!

கதைகள் கேட்க வா! - என்
காலைக் கட்ட வா!
முதுகில் மிதிக்க வா! - என்
மூச்சை நிறுத்த வா!

தாம திக்கா தே! - செய்த
தவறும் ஏத டா?
சாக டிக்கா தே! - கொஞ்சம்
தயவு செய்ய டா! 9840382003