59 மனிதா மனிதா மனிதா

மனிதா! மனிதா! மனிதா! - உன்
வாழ்க்கைப் பயணம் இனிதா?

கல்லும்முள்ளும் குத்திக் கிழிக்கிறதே!
கடும்வெயில் மண்டை பிளக்கிறதே!
புல்லும்கூடத் தடுக்கி விடுகிறதே!
பூவும்கூடப் போட்டு அமுக்கிடுதே!

ஏக்கத்தோடு ஏக்கத்தோடு வாழுகின்றாய்!
ஏமாந்து ஏமாந்து சாகின்றாய்!
ஊக்கத்தோடு ஊக்கத்தோடு உழைக்கின்றாய்!
உற்சாகம் குறைந்தே காணுகின்றாய்!

நோக்கத்தோடு நோக்கத்தோடு வாழ்ந்தாலும்
நொந்துபோக நொந்துபோக வைக்கிறதே!
ஆக்கம்வர ஆக்கம்வர உழைத்தாலும்
அழவைத்து அழவைத்துப் பார்க்கிறதே!

நினைத்ததன் படியே நடக்கிறதா?
நேசிப்ப துடனே கிடைக்கிறதா?
கணக்கெல்லாம் குளறு படியாகுதே!
காரியம் குட்டிச் சுவராகுதே!

அதுவேண்டும் இதுவேண்டும் எனஓடி
அதுஇல்லை இதுஇல்லை எனவாடி
மதுவினில் விழுவது எதைத்தேடி?
மறுபடி போனது வருமோடி?

வாழ்க்கையென்ன வாழ்க்கையென்ன பந்தயமா?
மனிதனும் மனம்இல்லா எந்திரமா?
சேர்ப்பதென்ன சேர்ப்பதென்ன தந்திரமா?
செல்வமே தாரக மந்திரமா?

பார்வையில் தெளிவு வரவேண்டுமே!
பாதையில் தேர்வு முறைவேண்டுமே!
பயணத்தில் உறுதி நடைவேண்டுமே!
பாதத்தைப் பதித்து விடவேண்டுமே! 9840382003