48 காதலிக்காதே

காத லிக்காதே! - நீ
காத லிக்கதே! - பின்
காதல் தோல்வி என்று புத்தி
பேத லிக்காதே!

சொந்தக் காலில் நிற்கு முன்பே காதலிக்காதே! - வெறும்
சுகத்திற் காகப் பொழுது போக்காய்க் காதலிக்காதே!
வந்த காதல் சரியா தப்பா காதலிக்காதே! - உன்
வாழ்க்கை யோடு விளையா டாதே! காதலிக்காதே!

சிரித்துப் பேசு கின்றாள் என்று காதலிக்காதே! - அவள்
சிவப்புத் தோலில் மயங்கி நீயும் காதலிக்காதே!
பொருத்த மின்றி அர்த்த மின்றி காதலிக்காதே! - உன்
புத்தி யைநீ அடகு வைத்துக் காதலிக்காதே!

அன்னை தந்தை எதிர்ப்பார் என்றால் காதலிக்காதே! -உனக்கு
அக்காள் தங்கைப் பொறுப்பி ருந்தால் காதலிக்காதே!
உன்னை மட்டும் பெரிதாய் எண்ணிக் காதலிக்காதே! - என்றும்
உன்னை முட்டாள் ஆக்கும் பெண்ணைக் காதலிக்காதே!

வாலி பத்தின் ஜாலிக் காகக் காதலிக்காதே! - நீ
வந்து சேரும் பணத்தை எண்ணிக் காதலிக்காதே!
தாலி கட்டும் எண்ண மின்றேல் காதலிக்காதே! - நீ
தங்கை என்று சொல்லிக் கொண்டே காதலிக்காதே!

எதையும் தாங்கும் இதயம் இன்றேல் காதலிக்காதே! - நீ
உதையும் வாங்கும் உடலம் இன்றேல் காதலிக்காதே!
கதைகள் வேறு நிஜங்கள் வேறு காதலிக்காதே! - நான்
கண்டிப் பாகச் சொல்லி விட்டேன் காதலிக்காதே! 9840382003