29 வெளிச்சத்தில் நீ

படி! படி! - தம்பி,
படி! படி! - நீ
பலருக்கும் பயன்படப்
படி! படி!

முன்னேற வேண்டுமென்ற வெறியோடு - எதிலும்
முதலாக வேண்டுமென்ற குறியோடு
தன்னால் முடியுமென்ற துடிப்போடு - வரும்
தலைமுறை மாற்றுவதில் பிடிப்போடு ....

பெற்றவர்கள் கூலிஎன்ற உணர்வோடு - நீ
பிறந்தது கூரைஎன்ற நினைவோடு
மற்றவர்கள் கேலிபொருட் படுத்தாது - நீ
மனதுக்குள் உறுதியாய் நடைபோடு!

நன்னடத்தை உனக்கென்றும் பலமாகும்! - உன்
நம்பிக்கைதான் உனக்குற்ற துணையாகும்!
முன்னோடிகள் பலருண்டு வழிகாட்ட! - நீ
முன்னேறிச்செல் திறமையை நிலைநாட்ட!

பணம்காசு இல்லைஎன்று தயங்காதே! - மனம்
படைத்தவர் உதவுவார் கலங்காதே!
இனம்கண்டு உலகமும் பாராட்டும்! - உன்
எதிர்நீச்சல் வெற்றிக்குத் தேரோட்டும்!

மூளைஎன்ப தெல்லாருக்கும் ஒன்றேதான்! - அதை
முழுவதும் பயன்படுத் தின்றேதான்!
வேளைவர உழைத்திடு நன்றேதான்! - புகழ்
வெளிச்சத்தில் நீவருவாய் அன்றேதான்! 9840382003