57 நாளைய தமிழும் தமிழரும்

(கொடுத்த தலைப்பிற்கேற்ப 24 வரிகளுக்குள்)

தன்மீது நம்பிக்கை வைக்கின்ற தமிழா!
தமிழ்மீது நம்பிக்கை நீவைத்தால் தவறா?
தன்னைத்தான் பெருமையாய் நினைக்கின்ற தமிழா!
தாய்நாட்டின் பெருமைக்கு உழைத்தால்நீ தவறா?

பிள்ளைக்குத் தமிழில்பேர் வைத்தால்தான் என்ன?
பிறசொற்கள் உன்பேச்சில் தவிர்த்தால்தான் என்ன?
எள்ளாமல் தமிழில்தான் படிப்பித்தால் என்ன?
எல்லாம்உன் தமிழில்நீ படைத்தால்தான் என்ன?

மறைகின்ற மொழிஎன்ற பெயரைநீ மாற்று!
மகன்போலத் தமிழ்த்தாய்க்குப் புதுரத்தம் பாய்ச்சு!
குறைவற்ற விஞ்ஞானப் புதுச்சொற்கள் ஆக்கு!
குழந்தையும் புழக்கத்தில் அதையேற்க ஊக்கு!

படிப்பாளி உழவுக்குள் இறங்கத்தான் வேண்டும்!
படைப்பாளி ஆட்சிக்குள் நுழையத்தான் வேண்டும்!
துடிப்பாளி சமூகத்தைப் புதுப்பிக்க வேண்டும்!
கேடுப்பாளி யாரேனும் கிழிக்கத்தான் வேண்டும்!

ஆராய்ச்சி மனப்பான்மை வளர்ப்பாய்நீ தமிழா!
அயல்நாட்டு மோகத்தை விடுப்பாய்நீ தமிழா!
பாரில்உன் அடையாளம் தொலைக்காதே தமிழா!
பழமையின் சாரத்தை இழக்காதே தமிழா!

பலத்தையும் திறத்தையும் அறியாமல் தமிழா!
பலவீனப் பட்டுத்தன் தேவைக்குத் தமிழா!
உலகத்தின் பின்என்றும் ஓடாதே தமிழா!
உலகந்தான் உன்பின்னால் வரவேண்டும் தமிழா! 9840382003